Hvatningarverðlaun
Annað hvert ár á Kvennafrídeginum 24. október veitir Félag kvenna í atvinnulífinu í Danmörku hvatningarverðlaun og hafa þau verið veitt árin 2019 og 2021. Verðlaunin eru veitt félagskonu sem hefur unnið vel í þágu atvinnulífs kvenna og verið konum í atvinnulífinu sérstök hvatning eða fyrirmynd.
Næst verða verðlaunin veitt þann 24. október 2023 og hægt er að senda inn tilnefningar fram til 18. september næstkomandi.
Hvatningaverðlaunanefnd að þessu sinni skipa Árni Þór Sigurðsson, sendiherra Íslands í Danmörku, Gyða Guðmundsdóttir Community Engagement Specialist hjá AECO og Herdís Steingrímsdóttir, verðlaunahafi ársins 2021.
Verkefnastýrur án atkvæðisréttar eru Aldís Guðmundsdóttir og Ásdís Ágústsdóttir.
Hvatningarverðlaunanefnd 2021 skipaði Helga Hauksdóttir sendiherra Íslands í Danmörku, Vigdís Finnsdóttir verðlaunahafi ársins 2019 og Auður Welding fyrrum stjórnarkona. Þáverandi stjórnarkona Gyða Guðmundsdóttir gegndi hlutverki verkefnastýru og hafði ekki atkvæðarétt.
Verðlaunahafar
f.v. Halla Benediktsdóttir stofnandi og formaður FKA-DK., Herdís Steingrímsdóttir verðlaunahafi og Helga Hauksdóttir sendiherra Íslands í Kaupmannahöfn.
2021-2023
Herdís steingrímsdóttir
Herdís á spennandi og áhugaverðan feril að baki og hefur m.a. rannsakað eitt og annað sem tengist jafnréttismálum. Herdís er vinnumarkaðshagfræðingur og starfar sem dósent við Copenhagen Business School (CBS) og hlaut nýverið veglegan styrk til þess að rannsaka verkaskiptingu foreldra, á Íslandi og í Danmörku. Það má því segja að framlag Herdísar til jafnréttismála hefur verið töluvert og gaman verður að fylgjast með áframhaldinu.
2019-2021
Vigdís Finnsdóttir
Vigdís er stofnandi og meðeigandi fyrirtækjanna Boutique Fisk og Retreat. Hún hefur verið búsett í Danmörku í rúma tvo áratugi og hefur markvisst unnið að því ,,að kenna Dönum að borða fisk". Boutique Fisk opnaði árið 2007 og Retreat árið 2014. Fyrirtækin hafa notið velgengni og hefur Vigdís sýnt mikinn drifkraft og þrautsegju sem frumkvöðull og þar með verið frábær fyrirmynd frumkvöðla í dönsku atvinnulífi.